डव्लूडीबिपाखें संचारकःमि विगेन तुलाधरं पर्यटन विशेषज्ञ, प्राध्यापक तथा पर्यटन सल्लाहकार डा. ज्ञानेन्द्र रत्न तुलाधर नाप हालय् पर्यटनया थीथी पक्षयात कःघाना खँल्हावल्हा न्ह्याकेगु याःगु दु ।
उगु खँल्हाबल्हाय् डा. तुलाधरं पर्यटनया आपालं पक्ष जूगु खँ कनादीगु दु । नापं वय्कलं नेपाःमिपिन्सं पर्यटनया बांलाक विकास याय् मसःगु धारणा नं तयादीगु दु । वयकः नापया खँल्हाल्हाय् होमस्ट, ठमेलया पर्यटन व्यवसायया लिसें पर्यटनय् खनेदयाच्वंगु विकृतिया विषयलय् नं खँ तयादीगु खः । नेपालय् पर्यटनया विकासया नितिं थः पर्यटन सल्लाहकार जुया बलय् थीथीकथंया अवधारणा हया सरकारयात लागू याकेत बियागु व लागू याकेगु ज्या नं न्ह्याकूगु व गुलिखय् सफल जूगु व गुलिखय् बांलाक व्यवस्थापन याय् मफूगु पक्षया खँ नं कनादीगु खः ।
नेपाःमिपिन्सं पर्यटनयात खाली धेवा कमे यायगु दृष्टिकोणं जक स्वयाच्वंगु खँ नं वय्कलं कनादीगु दुसा वास्तवय् पर्यटन धैगु उकथं धेवा जक कमे याय्गु मखु । थ्व ला सामाजिक, सांस्कृतिक, वातावरण लगायत विकास याय्गु आधार नं खः धकाः नं बः बियादीगु दु । वय्कः तुलाधरं उगु खँल्हाबल्हाय् झीसं लुम्विनीया विकास बांलाक याय् मफयाच्वंगु व थुकिया मुख्यः दोष हे राजनीतिक अवस्थां याना खः धकाः नं कनादीगु दु । उकिं राजनीतिक अवस्था क्वातुक लुम्विनीयात बांलाक विकास यानावन धाःसा नेपालय् आपालं विदेशी पर्यटनपिं दुकया थन आपालं विकास याय् फइगु खँय् बः बियादीगु दु ।
