तवः (ताम्राकार) समाजया नीक्वःगु पलिस्था दँ व खुक्वःगु दँ मुँज्या जगत सुन्दर ब्वनेकुथिइ तवःत मुना नेसं ११४३ तछलाथ्व पारु २०८० साल जेठ ६ गते शनिवाः याःगु दु ।
तवः समाजया नायो सूर्यरत्न ताम्राकारया सभा नायोसुइ न्ह्याःगु थुगु ज्याझ्वलय् समाजया न्वकु प्रवेशमान ताम्राकारं लसकुस न्वचु बियादीगु खः । दँ मँुज्याय् वार्षिक प्रतिवेदन समाजया मूछ्याञ्जे दिनेश ताम्राकार बियादीगु खःसा वार्षिक ल्याःचाः समाजया दांभरिं सरजु ताम्राकारं न्ह्योब्वयादीगु खः । उगु दँ मँुज्याय् तवः मिसा पुचःया मूछ्याञ्जे लुमिन ताम्राकारं मिसा पुचःया प्रगति प्रतिवेदन न्ह्योब्वयादीगु खःसा तवः युवा पुचःया मूछ््याञ्जे एलिना कुमारी ताम्राकारं वार्षिक प्रतिवेदन न्ह्योब्वयादीगु खः ।
उगु ज्याझ्वलय् ज्याझ्वःया पाहांपिं २० वडाया नायो राजेन्द्र मानन्धर, स्थापित खलःया नायो ई. दिपक स्थापित, न्यत तुलाधर समितिया नायो सर्वज्ञरत्न तुलाधर, शिलाकार खलःया नायो उत्तम राज शिलाकार, तवः समाजया जेष्ठ नागरिक अमृतमान ताम्राकार, समाजया संरक्षक व संस्थापक नायो अमीर रत्न ताम्राकार, समाजया नायो सुर्य रत्न ताम्राकारपिन्सं नं तवः समाजया पक्षयात कःघाना थःथःगु नुगः खँ तयादीगु खः । लिसे यस ई ई व प्लस तुले दकले अप्पो ल्या हयेत ताः ला पिन्त छसिकथं दान बिर ताम्राकार सिरपा व धन लक्ष्मी ताम्राकार सिरपा बियागु दु।
मय्जु प्रफुल्ल कमल ताम्राकार व एलिना ताम्राकारं न्ह्याकादीगु उग्ु ज्याझ्वलय् ज्याथः हनावना याना हनेज्या व तवः ज्या यानादीम्हयात भिक्षु हिरा सिरपा नं लःल्हाःगु खः । उगु ज्याझ्वलय् धर्महिरा ताम्राकार, प्रेमवीरसिंह ताम्राकार, शिलहेरा ताम्राकार, गुडविल फाइनान्स, तवः मिसा पुचःयात स्ुभाय् पौ नं लःल्हाःगु खः । उगु ज्याझ्वलय् स्थापित खलः पाखें ग्वसाः ग्वःगु फुटसल व न्यत तुलाधर समितिपाखें ग्वसाः ग्वःगु क्रिकेट धेंधेंबल्ला कासाय् ब्वतिकाःपिं ताम्राकार कासामिपिन्त नं खादागा न्यय्का हनेज्या याःगु खः ।
