काठमाडौँ । सल्यान र नवलपरासी पूर्वका विभिन्न स्थानबाट जुवातास र कौडा खेलिरहेको अवस्थामा प्रहरीले १८ जनालाई पक्राउ गरेको छ।
सल्यानको शारदा नगरपालिका-१, श्रीनगरमा लोक बहादुर बुढाथोकीको घरमा जुवातास खेलिरहेको अवस्थामा लोक बहादुरसहित ६ जना आइतबार बिहान पक्राउ परेका छन्। जिल्ला प्रहरी कार्यालय सल्यानबाट खटिएको टोलीले उनीहरूबाट नगद १ लाख ७ हजार ६ सय २५ रुपैयाँ र ११ बुक तास बरामद गरेको छ।
त्यसैगरी, नवलपरासी पूर्वको कावासोती नगरपालिका-८, सुर्वणाचोकमा कौडा खेलिरहेको अवस्थामा बसन्त राज घिमिरेसहित १२ जनालाई शनिबार राति प्रहरीले पक्राउ गरेको छ। जिल्ला प्रहरी कार्यालय नवलपरासी पूर्वले उनीहरूबाट नगद ८२ हजार ९ सय ६० रुपैयाँ र १६ थान कौडा बरामद गरेको हो।
पक्राउ परेका सबैमाथि प्रहरीले थप अनुसन्धान गरिरहेको जनाएको छ।
