नेपाल संबत नव वर्ष राष्ट्रिय समारोह समिति ११४६ को निमन्त्रणामा ने.सं. ११४५ कौलागाः एकादसि, शुक्रबार (२०८२ असोज ३१ गते) काठमाण्डौं, नेपाः ब्यांक्वेटमा ने.सं. ११४६ का अवसरमा शुभकामना आदान प्रदान र जलपान कार्यक्रम सम्पन्न भएको छ ।
यस शुभकामना आदान प्रदान कार्यक्रममा सभापतिको आसनबाट समारोह समितिका अध्यक्ष सह प्रा. प्रेमहिरा तुलाधरले आफ्नो मन्तब्य राख्नु हुनाका साथै समारोह समितिका सचिवालय सदस्य सुजीव बज्राचार्यले स्वागत मन्तब्य राख्नु भएको छ । समितिका नानीहिरा प्रजापतिले कार्यक्रम सञ्चालन गर्नुभएको थियो । “नेपालको राष्ट्रियता र संस्कृतिको भरोसा, नेपाल संबत विश्वमा देशको पहिचान” भन्ने नारा बोकेर यस कार्यक्रम सञ्चालन भएको हो ।
यस कार्यक्रममा राजेन्द्र प्रसाद श्रेष्ठ, भीमसेन दास प्रधान, सुरेश किरण मानन्धर, हितमान शाक्य, दिलिप महर्जन, हरिप्रभा खड्गी श्रेष्ठ, प्रा. चुन्दा बज्राचार्य लगायतका अतिथिहरु मञ्चमा उपस्थित हुनुभएको छ भने कार्यक्रममा नेपालभाषा क्षेत्रका विविध ब्यक्तित्वहरुले भाग लिनु भएको छ । उक्त कार्यक्रममा सह प्रा. प्रेमहिरा तुलाधर समारोह समितिको अध्यक्ष नियुक्त हुनु भएकोमा शुभचिन्तकहरुले खादा लगाई सम्मानपूर्वक शुभकामना अर्पण गर्ने कार्य पनि गर्नुभएको थियो ।
